នៅឆ្នាំ ១៩៩៥ បានចាប់ផ្តើមដំណើរការបណ្តុះបណ្តាលថ្នាក់បរិញ្ញាបត្ររងកសិកម្ម មានឈ្មោះថា សាលាកសិកម្ម កំពង់ចាម ដោយមានតម្រូវការទីផ្សារពលកម្មលើវិស័យកសិកម្ម សាលាបានបើកបណ្តុះបណ្តាលនូវកម្រិតឧត្តមសិក្សា ហើយបានប្រែក្លាយទៅជាសាលាជាតិកសិកម្ម កំពង់ចាម នៅឆ្នាំ២០០១ ជាដេប៉ាតឺម៉ង់វិទ្យាសាស្រ្ត និងវេជ្ជសាស្រ្តសត្វ។

ដោយយោងតាមអនុក្រឹត្យ លេខ១៤៦ អនក្រ.បក ចុះថ្ងៃទី២៥ ខែកញ្ញា ឆ្នាំ២០១៩ ស្តីពី បង្កើតវិទ្យាស្ថានជាតិកសិកម្ម កំពង់ចាម ជាគ្រឹះស្ថានសាធារណៈរដ្ឋបាល ពេកនោះសាលាជាតិកសិកម្ម កំពង់ចាម បានប្រែឈ្មោះជាវិទ្យាស្ថានជាតិកសិកម្ម កំពង់ចាម។

ដោយយោងតាមអនុក្រឹត្យស្តីពីការរៀបនិងការប្រព្រឹត្តទៅរបស់វិទ្យាស្ថានជាតិកសិកម្ម កំពង់ចាម លេខ៨១ អនក្រ.បក ចុះថ្ងៃទី២៥ ខែមេសា ឆ្នាំ២០២៣។ដេប៉ាតឺម៉ង់ វិទ្យាសាស្រ្ត និងវេជ្ជសាស្រ្តសត្វ ក៍ប្រែឈ្មោះជាមហាវិទ្យាល័យវិទ្យាសាស្រ្ត និងវេជ្ជសាស្រ្តសត្វ រហូតដល់បច្ចុប្បន្ន។

ចក្ខុវិស័យ គឺក្លាយជាមហាវិទ្យាល័យដែលឈានមុខគេលើការអប់រំ ការស្រាវជ្រាវ និងការផ្សព្វផ្សាយក្នុងវិស័យផលិតកម្មសត្វ និងសុខភាពសត្វ ដែលមានស្តង់ដារជាតិ និងអន្តរជាតិ។

បេសកកម្ម គឺផលិតធនធានមនុស្សដែលមានសមត្ថភាពក្នុងវិស័យវិទ្យាសាស្រ្ត និងវេជ្ជសាស្រ្តសត្វ តាមរយៈការបណ្តុះបណ្តាល ការជំរុញការស្រាវជ្រាវ ការផ្ទេរបច្ចេកវិទ្យា និងការផ្សព្វផ្សាយទាក់ទងនឹងវិទ្យាសាស្រ្ត និងវេជ្ជសាស្រ្តសត្វ ព្រមទាំងវិស័យពាក់ព័ន្ធដើម្បីបំពេញតម្រូវការទីផ្សារ។