បេសកកម្មចម្បងរបស់វាគឺផលិតធនធានមនុស្សដែលមានសមត្ថភាពក្នុងវិស័យជលផល និងវារីវប្បកម្ម តាមរយៈការបណ្តុះបណ្តាល ការជំរុញការស្រាវជ្រាវ ការអភិវឌ្ឍ ការផ្ទេរបច្ចេកវិទ្យា និងការផ្សព្វផ្សាយទាក់ទងនឹងវិទ្យាសាស្ត្រជលផល និងវារីវប្បកម្ម ព្រមទាំងវិស័យពាក់ព័ន្ធ។

មហាវិទ្យាល័យវិទ្យាសាស្រ្តសេដ្ឋកិច្ចកសិកម្ម និងចលនាភូមិថ្មីគឺជាគ្រឹះស្ថានសិក្សា ដែលមាននូវធនធានមនុស្សមានសមត្ថភាព ទេពកោសល្យក្នុង ការបង្រៀន ការអនុវត្តន៍ជាក់ស្តែង ការសិក្សាស្រាវជ្រាវរបកគំហើញថ្មីៗ និងការផ្តល់សេវាគាំទ្រដល់ និស្សិត និងសហគមន៍ប្រកបដោយគុណភាព។ បច្ចុប្បន្ន មហាវិទ្យាល័យ ដំណើរការក្រោមកិច្ច សហប្រតិ្តបត្តិការជាមួយ សហគមន៍កសិកម្មនានា នាយកដ្ឋានសហគមន៍ជាតិ នាយកដ្ឋានផែនការ និងស្ថិតិ ការិយាល័យទីផ្សារកសិកម្ម នាយកដ្ឋានផ្សព្វផ្សាយកសិកម្ម នៃក្រសួងកសិកម្មរុក្ខាប្រមាញ់ និងនេសាទ នាយកដ្ឋានអភិវឌ្ឍជនបទ នៃក្រសួងអភិវឌ្ឍន៍ជនបទ និងនាយកដ្ឋានអភិវឌ្ឍន៍ផលិតផលក្នុងស្រុក នៃទីស្តីការគណៈរដ្ឋមន្រ្តី និងគម្រោងដៃគូរ អង្គការជាតិ អន្តរជាតិ KOICA និង CDRI ជាដើម។

ដើម្បីគាំទ្រដល់ការបង្រៀន ការបណ្តុះបណ្តាល និងការស្រាវជ្រាវ មហាវិទ្យាល័យ មានបន្ទប់រៀនសម្រាប់និស្សិត បន្ទប់ប្រជុំ និងការិយាល័យសម្រាប់បុគ្គលិកបង្រៀន និងបន្ទប់ស្រាវជ្រាវ Econometrics នៅក្នុងបរិវេណ វិទ្យាស្ថានជាតិកសិកម្មកំពង់ចាម ។